Hindi ninyo mapipigilan ang aming pwersa,
upang bansang salat ay magkaroon ng reporma.
Bayang namumutaktik ng mga buwaya,
kayong kumakatay sa aming mga masa!
Nagtanim kayo ng binhi ng pagiging ganid.
Aani kayo ng poot at matinding paglupig.
Aming mga kaluluwa, puso, kamao at isip,
nagbabaga dahil sa apoy ng galit!
Sawa na kami sa pagiging tahimik.
Handa nang alisin piring sa mata't busal ng bibig.
Handa nang wasakin tanikala ng pagmamalabis,
itong aming bayan ginagatasan nyong pilit.
Kayo dapat ang patungan ng koronang tinik.
Hagupitin at ipako sa krus ng patiwarik!
No comments:
Post a Comment